احتضنته بقوه داعمه و قالت بتأثر : ماشى يا حبيبى .
اطلق العنان لعبراته و قال بحزن : كنت بحبها يا ياسمين ، حتى بعد اللى عملته كنت بحبها . تنحنح و اكمل : كانت حنينه عليا اوى و انا صغير و لولا تصرفات عاليا عمرها ما كانت عملت حاجه تزعلنى و عارف ان اللى عملته زمان و دلوقتى ده عشان خاطر بنتها الوحيده . ربتت عليه بحنان و قالت بخوف : اهدى طيب لانك لما ضغطك بيعلى بتتعب جامد .
مسح عبراته فابتعدت عن فخذيه و قالت : قوم خد شاور عشان لسه اليوم طويل اوى و انا همسح المانيكير و الميك اب و أخد شاور و احصلك . رد رافضا : لا مفيش داعى تيجى ، اصلا اكيد الدفــ,,ـــــن هيبقى الصبح فخليكى فى البيت عشان جاسر و تعالى على ميعاد الدفــ,,ـــــن انتى و ساهر و چنى . هتفت بتساؤل : و جاسر هعمل فيه ايه ؟ مش عايزه اجيبه معايا العزا .
رد بتنهيده :سبيه مع داده يا ياسمين هى مش بتقدر تتحرك كتير و اكيد مش هتيجى و اكيد اتعودي تسيبه معاها من ساعة الشغل .
سالت بحيره : مين هيبلغ عاليا ؟
رد بزفره قويه و تنهيده : انا دلف للمرحاض ليغتسل و ارتدى ثيابه و اتجه لغرفة عاليا و التى فور رؤيته وقفت متذمره : فارس انا مش عجبانى الاوضه دى .
سالها بهدوء : مالها ؟ اجابت بحنق : البلكونه بتاعتها قريبه اوى من جناحك يا فارس و من الاخر كده كنت سمعاكم و انتو بتهزرو مع بعض . رمقته بنظرات حزينه و اعقبت : انا وافقت انى احاول بس من غير ما تعذبنى و…..
قاطعها فارس بتلعثم : حاضر يا عاليا كل اللي انتي عيزاه هعملهولك بس…..
صمت فنظرت له بتعجب لحالته الحزينه و سألته : في ايه ؟ و انت لابس كده و رايح فين الوقت ده ؟
صمت لحظه و نظر لها بحزن و قال بتلعثم : اصل عمتي….. صرخت بخوف ظاهر على ملامحها تقاطعه : مامى مالها يا فارس ؟
رد بحزن : ربنا استرد امانته . صرخت عاليا بانهيار و صوت باكى و متألم و ارتمت ارضا فهرع اليها و احتضنها و ربت على ظهرها داعما و قال مواسيا : دى اراده ربنا يا عاليا و هى كانت تعبانه .
صرخت عاليا بتلعثم باكى : ااا.. احنا كنا لسه هناك…. كك كانت كويسه …ااكيد فى فى غلط …اتاكد يا ففارس . مسح على رأسها بحنان و قال بهدوء : ادعيلها بالرحمه و بلاش العمايل دى . صرخت بانهيار ليجتمع كل من فى البيت على اثر صراخها الهادر ليعلموا بالامر جميعا فرفع فارس رأسه لاخيه و اخبره : الصبح تجيب ياسمين و چنى على المقابــ,,ـــــبر . اومأ ساهر بحزن مجيبا بايجاز : حاضر .
عاد فارس لمدــ,,ـــــادثتها بهدوء : قومى يا عاليا يلا البسى عشان تودعى مامتك .
