تعريف 🌹) فى منزل لعائله متوسطه الحال تقطن ( ياسمين محمد غزال) و التى تبلغ من العمر 24 عام درست بمدارس فرنسيه و تخرجت ياسمين من كليه التجاره باللغه الانجليزيه قسم اداره الاعمال و عملت فورا فى احدى شركات الاستيراد و التصدير بسبب علاقات عمها المحامى ( محمود السيد غزال) و هى شركه شاهين للاستيراد و التصدير و كانت تعمل فى قسم المحاسبه بعيدا عن تخصصها فى اداره الاعمال
و فى احد الايام تعود ياسمين من العمل لتذهب لبيت جدها الذى تقطن به مع جدها ( السيد غزال) و عمها و زوجته ( هدى) و ابنهم الاكبر (ياسين 26 عام) و التوأم ( نرمين و شيرين 20 عام) ياسمين: ازيك يا جدو؟ السيد: ايه يا حبيبه جدو، عامله ايه؟ ياسمين: الحمد لله السيد: جايه بدرى يعنى ياسمين بهمس: سبت الشغل يا جدو السيد يهمس بمزاح: و موطيه صوتك ليه؟
ياسمين: عشان طنط متسمعش ما انت عارف يضحك الجد كثيرا من طفوله حفيدته و يردد السيد: كبرى دماغك منها يا حبيبتى انتى عارفه مرات عمك و تدخل فجأه زوجه عمها هدى ( زوجه للعم الاصغر سنا و الذى تزوج فى منزل والديه و هى دائمه التذمر من خدمتها لابيه و ابنه اخيه الراحل) هدى: مالها مرات عمها يا حاج؟ السيد بارتباك: مفيش يا هدى ده انا بهزر هدى باستنكار: تهزر، فتقوم مخلى البت المفعوصه دى تتريق عليا
ياسمين: ابدا و الله يا طنط هدى باستنكار: و انتى يا روح طنط راجعه بدرى ليه؟ ياسمين بتردد: ابدا مفيش شغل كتير هدى: طب قومى ساعدينى فى المطبخ زمان عمك و ياسين جايين من اشغالهم ياسمين بادب: حاضر يا طنط تقوم و تتجه ياسمين للمطبخ مع زوجه عمها و ينظر لها جدها بحزن و يردد السيد: غلبانه و يتيمه و برده محدش راحمها، ربنا ينور طريقك يا ياسمين يا بنتى و يرزقك من حيث لا يحتسب
~~~~~~~~~~~~~~~~~~ فى احدى الشركات العملاقه داخل صرح هائل يجلس على مكتبه الضخم و هو مسند الظهر ويضع قدم فوق الاخرى و يدخن سيجاره الباهظ الثمن و يتحدث مع مدير شركاته حول الاعمال فارس بشده: خلص انت معاهم الديل و خلينى انا بعيد عن الصوره دلوقتى مازن: اوامرك يا باشا فارس: بعد اما تخلص كلمني و عرفنى الدنيا رست معاك على ايه؟ مازن: علم و ينفذ، طب ايه مش حنسهر انهارده؟
فارس بخبث: يا بنى انت شيطان ارحمنى من سهراتك دى بقى مازن بمزاح: قال يعنى، هو انا بضربك على ايدك ما انت بتنطلى فى كل سهره من دول و ابقى مظبط الدنيا و راسم الرسمه صح و تدخل انت زى كومى الكوتشينه تقش على الجاهز فارس بضحك: امال انت عايز ايه؟ ده انا فارس الفهد، اصل ابوك خاوت دماغى و عمال يقولى انى بوظتك يا عينى مش عارف انك البوظان ذاته
يقهقه الاثنان من الضحك و يعودا ليكملا عملهما ( فارس ماهر الفهد … هو الوريث الوحيد لوالده الراحل ماهر الفهد و صاحب شركات الفهد للاجهزه المنزليه يبلغ من العمر 35عام و هو على غرار والده خريج كليه الهندسه شعبه ميكانيكا طائرات و استخدم ذكائه الهندسي فى تطوير منتجات شركته من الاجهزه المنزليه) ~~~~~~~~~~~~~~~~ في احدى المصالح الحكوميه يعمل ( محمود السيد غزال) اصغر ابناء السيد غزال مديرا للشؤن القانونيه و اثناء انهماكه فى العمل يدخل عليه رفيق الدراسه ( مصطفى صبرى) محامى و مدير الشؤن القانونيه للشركه العالميه للاجهزه المنزليه فيرحب به محمود ترحيب حار
محمود: عاش من شافك يا متر مصطفى: و الله ليك وحشه يا حوده فينك؟ محمود: انا اللى فينى برده ادينى اهو فى الدنيا حروح فين مصطفى: طول عمرك حملك تقيل يا محمود اللى يشوفك يقول عليك كبير العيله مش اصغر اخواتك محمود باستسلام: ظروف الدنيا بقى حنعمل ايه؟ المهم جاى زياره و لا شغل مصطفى بابتسام: الاتنين محمود: ماشي يا متر شوف ناقصك ايه و اخلى حد من الموظفين يخلصهولك
مصطفى: ربنا يخليك ليا يا حبيبى محمود: يا درش ده انت افضالك عليا و على ولادى كبيره، هو انا انسي ان اول ما اتخرج ياسين و ياسمين شغلتهم على طول و فى شركات كبيره كمان مش اى حاجه مصطفى: يا بنى انا معملتش حاجه دول زى ولادى و ابنك الصراحه مطول رقبتى فى الشركه محمود: الحمد لله مصطفى: اول انت بس ما تطلع معاش حشغلك معايا فى المكتب و اهو الواحد يكتسب من خبراتك
محمود: يا درش اخجلتم تواضعنا ~~~~~~~~~~~~~~~~~~~ فى منزل السيد غزال هدى: يلا يا ياسمين جهزى الترابيزه عمك خلاص على وصول ياسمين: حاضر يا طنط بس مش حنستنى ياسين و البنات هدى: لا، ياسين حيتاخر و البنات حياكلو مع صحابهم فى الكليه يضع محمود المفتاح فى الباب و يفتح ليدخل و هو حامل بيده اكياس المشتروات ياسمين: حمد الله على السلامه يا عمى محمود بتعب: خدى منى يا بنتى السلم هد حيلى
هدى بتزمر: سلم ايه بس يا راجل ده احنا فى الدور التانى، انت عجزت و لا ايه؟ محمود بابتسام: انتى شايفه ايه؟ هدى بخبث: شايفه اخوك و اختك اللى اكبر منك و هم عايشين حياتهم و لا فى دماغهم اللى احنا فيه محمود بغضب: يا دى اسطوانه كل يوم، صبرنى يا رب يقترب محمود من اكياس المشتروات و يخرج اكياس الفاكهه و منها يخرج طبق مرتب لفاكهه الفراوله و يحدث ياسمين قائلا
محمود بحب: خدى يا بنتى جبتلك الفراوله اللى بتحبيها اهيه ياسمين بابتسام: ربنا يخليك يا عمى هدى بتزمر: يا عينى عليا محمود بضيق: فى ايه يا هدى منا جبتلك كل الطلبات اللى قولتى عليها…… خدى يا ياسمين انا جبت الادويه بتاعه بابا كمان ياسمين: حاضر يا عمى هدى: يلا بقى يا محمود الاكل حيبرد و على طاوله الطعام محمود: بناتك فين؟ هدى: معزومين مع صحابهم محمود بضيق: و انا ايه مليش لازمه مش ياخدو من منى الاذن الاول
ياسمين: معلش يا عمى ده يوم هدى بعصبيه: و انتى ايه حشرك فى الكلام السيد: مش كده يا هدى البنت مغلطتش هدى: الكل هنا فى البيت ده محامين، و انا الوحيده اللى ظالمه صح تمتلئ حدقتى ياسمين بالدموع فتحاول اخفائها و تستاذن بادب لتدخل غرفتها فينهر محمود زوجته على الفور محمود بعصبيه:انتى مش حتبطلى طريقتك دى مع البنت، حرام عليكى دى يتيمه هدى: اهو كل ما اتكلم تقولولى دى يتيمه، طب منا كمان يتيمه فى حد فيكو رحمنى
و فى داخل غرفه ياسمين تبكى بشده و هى ممسكه باطار به صوره لوالدها ووالدتها و هى حامل بها ياسمين باكيه: كان لازم تموتى و انت بتولدينى انا لو مكنتش جيت للدنيا دى كان زمانك عايشه ثم تنظر لاباها و تكمل ياسمين: و انت يا بابا كنت خليتك شويه اشبع منك ده انا مبقتش بفتكر شكلك غير من الصور، يا رب ارحمنى و صبرنى ~~~~~~~~~~~~~~~~~~~ فى شقه فاخره باحدى المناطق الراقيه
يجلس (مازن مراد الفهد ابن عم فارس و هو اصغر منه بثلاث سنوات يبلغ من العمر 32 عام و هو طويل القامه وسيم جدا شعره اسود ناعم و عينه زرقاء و رشيق فهو لاعب تنس و هو يعتبر فارس مثله الاعلى و متخرج من هندسه الجامعه الامريكيه) يجلس مع رفاقه وسط الكثير من الفتيات الراقصات و تحيطهم اجواء اللهو و المرح يطرق الباب ليفتح مازن فيجده فارس الذى فور دخوله تتجمع حوله الفتيات
مازن بمزاح: نقعد طول الوقت نظبط فى المزز و يجى هو يقش عادل: طبعا يا بنى ده فارس الفهد على سن و رمح فارس: افضلو انتو كده لما بتنش منكم العين بتجبنى الارض عادل: انت حد يقدر يجيبك الارض ده انت فارس باشا مازن: انا بس نفسي اعرف بيعجبهم فيك ايه بوشك اللى عامل شبه بتوع مباحث ال FBI
( فارس الفهد ملامحه جامده بالرغم من وسامته مفتول العضلات لممارسته الدائمه لرياضه الملاكمه كما يهوى الفروسيه و تدرب على الرمايه على ايدى متخصصين من الحراسات الخاصه و هو عيونه خضراء وشعره بنى يتخلله القليل من الشعر الابيض وهو ابيض البشره و لديه لحيه بحجم قبضه اليد و طويل القامه) مازن محدثا احدى الفتيات :قوليلى انتى يا مزه ايه المميز فيه؟ احدى الفتيات: كاريزما، وسيم، غنى
