يضحك فارس ضحكه عاليه و يضرب راس مازن ضربه خفيفه من الخلف و هو يردد فارس: اهى جابتلك الخلاصه، غنى فهمت بقى يا قفل فتاه اخرى: هو مش موضوع الغنى و بس، كفايه هيبته كده تحس الواحده فينا انها مع ملك مازن بسخريه: اه هو الملك و انتو الجوارى، ما حال ما بيدور فيكم الضرب نفس الفتاه بدلال زائد: ضرب الحبيب زى اكل الزبيب يقترب فارس منها و يحاوطها من خصرها بيده و يقترب من اذنها بفمه حتى تلفح انفاسه الحارقه وجهها ليردد
فارس: طب ما تيجى جوه أاكلك شويه زبيب ليقوما الاثنان و هو محتضنها لينفردا ببعضهم فى غرفه خاصه و يبتسم مازن لرفاقه و يردد مازن بخبث: اهو اخد المزه اللى فيهم عادل بقهقه: شويه و نسمع صريخها و هى بتاكل زبيب يقهقه الرفيقان و يكملا سهرتهما فى لهو ~~~~~~~~~~~~~~~~~~~ فى منزل السيد غزال فى صباح اليوم الثانى تفيق هدى و تمر على الغرف حتى يستقيظ كل من بالمنزل هدى:يا بنت منك ليها حتتاخرو على الكليه و انتى يا ياسمين حتتاخرى على شغلك
يجيبوا جميعا بالموافقه و على طاوله الافطار يجلس الجميع و يتاخر ياسين فى الحضور هدى: قومى يا نرمين شوفى اخوكى احسن يكون نام تانى نرمين بتذمر: يوووه يا ماما بقى، كل يوم موال صحى ياسين… ده بيموت مش بينام ياسمين: خليكى يا نرمو انا حصحيه تنهرها هدى على الفور بشكل مبالغ فيه هدى: تصحى مين يا بت انتى، انتى ناسيه انه شاب و انتى يا ختى ما شاء الله بقيتى شحطه ولا هى قله الادب اخدت حقها معاكى خلاص
محمود: فى ايه يا هدى، دول اخوات و طول عمرهم عايشين مع بعض هدى: لا يا اخويا مش اخوات و ابنى شاب يكون نايم على راحته كده و لا كده يخرج ياسين من غرفته على اثر صياح والدته و يسمع ما يقال فيردد ياسين: خلاص يا ماما انا صحيت من صوتك يا حبيبتى هدى بضيق: ده جزاتى انى خايفه عليك لتتاخر يقبل يدها و هو يردد: تسلميلى يا ست الكل
يتجه ناحيه مقعده و يسحبه ليجلس و يبدء بتناول الطعام و هو يردد ياسين بخبث: و بعدين يا ماما طالما شايفه انى كبرت و بقيت شاب و ياسمين بقت عروسه و انها مش اختى يبقى خلاص اتجوزها و اهى بدل ما بتنام مع نرمين و شيرين تنام معايا محمود بحده: ولد… احترم نفسك ياسين: فى ايه يا بابا؟ محمود:انت حتشتغل انت و امك على ياسمين ولا ايه ياسين بجديه:على فكره انا بتكلم جد
هدى باسلوب سوقى: جد!! جد مين يا اخويا، انت ناوى تجيب اجلى يا واد انت استحاله تتجوز بنت سارا ياسين: مالها يا ماما ياسمين عيبها ايه؟ السيد بصوت هادر: بس انت و هو و هى انا مش حسمح باكتر من كده، كفايه ياسين: يا جدى انا بتكلم بجد انا عايز اتجوز ياسمين السيد: الكلام ده لا يتقال بالشكل ده و لا فى التوقيت ده، عايز حاجه تقعد محترم و تتكلم معايا انا و ابوك مش يلا سلق بيض
هدى: و انا رايى ملهوش لازمه ياسين: يا ماما انتى الخير والبركه هدى: اه يا اخويا ابلفنى ثم انت لسه لاجبت شقه و لا كونت نفسك تتجوز ازاى؟ ياسين بمزاح: منا حتجوز هنا عشان متوحشنيش يا ست الكل كل هذا الحديث و لم ينتبه احد لياسمين التى نُهرت و تلون وجهها من شده الحزن و نرمين و شيرين يقوما بمواساتها نرمين: متزعليش يا ياسو انتى عارفه ماما طول عمرها دبش
ياسمين: انا تعبت و الله مش قادره استحمل نرمين: خلاص بقى متزعليش قومى اغسلى وشك و خلينا ننزل يلا انا حطلب اوبر يوصلنا كلنا على طاوله الطعام محمود: عاجبكم كده انتو الاتنين يعنى امبارح نكدى عليها على الغدا سابتهولك و مردتش تتعشا معانا و ادى الفطار كمان اهو، انتى حد مسلطك عليها هدى: ده انا …… يقاطعها محمود: قومى اندهى لها خليها تكمل فطارها و طيبى خاطرها دى يتيمه فى غرفه البنات
شيرين: حتطلبى اوبر و تدفعى يعنى و لا حدبسينا نرمين بمزاح: الكبيره اللى فينا تدفع شيرين: دول مكانوش 3 دقايق اللى عامله عليهم فرح نرمين: ليه اخدتى الكلام على نفسك ما ياسمين اكبر مننا ياسمين: بس انا مش رايحه الشغل نرمين بجديه: ليه؟ انتى تعبانه؟ ياسمين بتردد : لا، اصلى …… اصلى سبت الشغل تدخل هدى فى تلك اللحظه لتسمع اخر ما قالته ياسمين لتثور ثائرتها هدى بعصبيه: عملتى ايه يا ختى؟ سيبتى الشغل، ليه بقى ان شاء الله و الجمعيه اللى دخلاها مع الجيران اجيبلك منين انا الفين جنيه كل شهر
ياسمين باكيه: يا طنط انا حنزل ادور مش حقعد يعنى هدى: موت يا حمار، ده لولا صحاب عمك ولا كنتى لقيتى شغلانه فى حته…. من كتر الشغل بتتبطرى يقترب محمود على اثر الصوت العالى محمود بصياح: ايه تانى يا هدى فى يومك اللى مش فايت ده؟ هدى: تعالى شوف المصيبه محمود: مصيبه ايه بس؟ هدى: الهانم سابت الشغل ~~~~~~~~~~~~~~~ فى احد المستشفيات ذات الصيت الكبير(مستشفى الفهد)
يدخل مدير المشفى الجراح الشهير مراد الفهد لينتبه لدخوله كل العاملين بالمشفى ( مراد الفهد هو عم فارس و والد مازن يحب فارس كثيرا منذ صغره و لكنه آثر الابتعاد قليلا بسبب مشاكل حدثت بين فارس و عائله والده الراحل فتخوف مراد من ان يحدث صدام بينه و بين ابن اخيه فتراجع عن اعمال العائله و اكتفى بمهنته كطبيب و جراح شهير) مراد: صباح الخير احد العاملين: صباح النور يا دكتور
مراد: الاستقبال واقف على حيله ليه كده؟ احد العاملين: اصل فى حادثه و الحالات اتحولت علينا لاننا الاقرب و اهالى الناس عامله شوشره مراد بصرامه: انده على الامن و خرجلى الناس دى كلها بره و ميفضلش مع كل حاله غير فرد واحد بس احد العاملين: حاضر يا دكتور ~~~~~~~~~~~~~~ فى المجموعه العالميه للاجهزه المنزليه يدخل مدير المجموعه و يطلب من سكرتيرته الاطلاع على المبيعات ترد السكرتيره بالايجاب و تتصل بقسم المبيعات فترد ساندى الجيار
ساندى: حاضر اول ما يوصل ياسين حخليه يطبعهم على طول يدخل ياسين متاخرا
