الفصل الاربعون رغم حطام قلبك يوما ما سيزهر الحب فيه و يرممه .
فيودور دوستويفسكي .
~~~~~~~~~~~~~~ ظلت عاليا دائما ما تذهب لزياره ياسمين فقط لتلهو مع الصغير جاسر و استشعروا جميعا تحسن ملحوظ فى حالتها و بدأت شبه صداقه بينها و بين ياسمين فحاولت عاليا التقرب منها و لكن ياسمين كانت دائما حذره تجاهها . اما عن نرمين فقد تزوجت من مالك بحفل كبير باحدى القاعات الخاصه بالشرطه و فعلت الفتايات ما اتفقن عليه بارتداء نفس اللون فارتدين فستان من الشيفون الرقيق باللون الازرق السماوى و قامت ياسمين بتغيير قصته قليلا ليلائم بطنها المنتفخ .
اصدـ,,ـــرت المحكمه على مدحت الفهد حكما بالسجــ,,ـــــن 10 اعوام بتهمه ال. الخطأ و تقدم محامى فارس بطلب للنقض لتخفيف الحكم مما جعل فريده تنهار اكثر فصبت جام غضبها على ياسمين و التى ظلت تخفى الامر عن زوجها و لكنه فور علمه ارسلها للعيش مع ابنتها ميار . لاحظت شيرين تأخر عادتها الشهريه فاشترت احد فحوصات الحمل للتاكد فظهر ايجابى فقررت ان تخبر ساجد فى موعد احتفالهما بعيد زواجمها الاول .
كانت چنى تعيش حياتها محاوله اخفاء المها فمنذ زواجها و انتقالها للعيش مع مازن و كل منهما ينام بغرفه منفصله و حتى انه كان ينهرها ما اذا ارتدت امامه اى ملابس منزليه قصيره او مثيره .
~~~~~~~~~~~~~~~
فى ڤيلا مازن الفهد دخلت غرفته حتى يستيقظ من النوم فلديه الكثير لتجده ينام عارى الصدـ,,ـــر لا يرتدى سوى سروال داخلى قصير فظلت تنظر له بجسده الممشوق الطويل لتنهر نفسها على الفور و تحدث نفسها بخفوت : ده اخوكى ايه اللى بتعمليه ده ؟
ايقظته و جلسا على مائده الافطار و هى ترتدى ثياب قصيره فنظر لها بحنق و صاح بها بقسوه لم تعهدها منه الا بعد عودتهما من سفرتهما : انتى مبتفهميش ؟ كام مره اقولك بلاش اللبس ده ؟ ردت چنى بحزن : انا فى بيتى يعنى انت عايزنى البس ايه فى البيت ؟ صاح مازن بحده و غضب و كأنه تلبسه شيطان غاضب : لو كان ينفع تلبسى كده قدام فارس يبقى ينفع تلبسى كده قدامى بس اللى انا متاكد منه انك مكنتيش بتلبسى كده قدام فارس .
بكت چنى و ردت بصوت مختنق : حتى لو انت معتبرنى اختك و انا المفروض مراتك عادى لما البس كده فى بيتى و بعدين لو شكلى مش عاجبك متبصليش يا اخى . وقف مازن بعصبيه و أشار لها بالصعود و صرخ بحده : قومى البسى خلينى اوصلك الجامعه على سكتى انا ورايا شغل كتير انهارده و مش عايز اتاخر . هتفت چنى بلا مبالاه : روح انا لسه بدرى على ميعاد المحاضره و هروح بعربيتى .
اجاب مازن برفض : لأ مفيش سواقه تانى اخوكى بهدلنى بما فيه الكفايه انى بسيبك تسوقى من ساعه ما اتخطفتي و باعت السواق عشان يفضل معاكى و معاه حق . صرخت چنى تدب الارض بقدمها و صاحت بتذمر : هو فارس هيفضل يتحكم فيا حتى و انا على ذمه راجل ولا اصلا هو بيتحكم فيك انت كمان و بيمشى كلامه عليك انت كمان .
زغر لها مازن بعينه بقوه و غضب على اثر اهانتها له و صاح بقسوه : اخر مره هسمحلك بالغلط لانك دايما بتحاولى تستفزينى و تورينى ان فارس اللى ممشينى ، بس احب اعرفك حاجه ان فارس لو ممشى عيله الفهد كلها بالحديد و النــ,,ـــــار بييجي لحد عندي و الموضوع مختلف لانى بسمع كلامه عشان بيكون صح مش عشان انا مليش راى .
بكت چنى فور خروجه و صفقه للباب بقوه و حدثت نفسها بحزن : انتى زعلانه ليه من طريقته ؟ واحد و متجوزك غصب بس عشان يرضى فارس عيزاه يتعامل معاكى ازاى ؟
~~~~~~~~~~~~~~~
فى ڤيلا فارس الفهد
استيقظ من نومته على اثر مداعبه الصغير جاسر له فابتسم ابتسامه واسعه و قام بحمله و تقبيله و ملاعبته لينظر الى تلك النائمه الى جواره و تحدث مع صغيره بهمس : شششش مش عايزين نصحى مامى بس هو انت جيت هنا ازاى ؟
ردت ياسمين بنعاس و صوت متحشرج من اثر النوم : سمعت عياطه على الجهاز روحتله حاولت انيمه مانمش فجبته هنا و روحت فى النوم .
