_اوبااا ….لاااا ده انتى بقيتى خطر و عرفتى مفاتيحى و كده انا معنديش وسيله للدفاع عن نفسى . ردت بهيام و عنچ :
_ I learned from the best (تعلمت من الافضل ) .
~~~~~~~~~~~~~~~~~ اقام المختصين بصاله المؤتمرات الموجوده بالشركه مؤتمرا صحفيا جمع اشهر الصحف و القنوات الفضائيه و اكد المسؤلين ان الاسئله مفتوحه للتحدث بكافه المجالات .
دخل فارس و هو ممسك بيد زوجته وسط نظرات الاحترام و الاعجاب، و جلسا على الطاوله و امامهما مكبرات الصوت ليبدأ فارس حديثه بجديه هاتفا :
_عشان منضيعش وقت فى الاسئله اللى عارف انكم عايزين تسألوها بالنسبه لقضيه مديره مكتبى الله يرحمها، انا تم استدعائى بصفتى مديرها فقط لا غير و مكانش فيه اى اتهام من النيابه لشخصى .
بدأ الصحفيون يسألوا الاسئله و فارس يجيب حتى تطرقوا لحياته الخاصه و بدأ المؤتمر يذهب لمنحنى اخر حيث تحولت شخصيه فارس الصارمه الحاده الى شخصيه ضحوكه و رومانسيه و خصوصا و هو يقص عليهم قصه حبهما و ظل يداعب وجهها و يرمقها بنظرات العشــ,,ـــــق و الحب و التقطت الكاميرات الكثير من اللحظات الرومانسيه العفويه بينهما ليتحول حديث الساعه من قضيه م. مديره مكتبه الى كيفيه تحول فارس الصارم الى فارس العاشق .
سألت احدى الصحفيات :
_مين اللى اعترف للتانى بحبه الاول ؟ قال فارس بدون تردد و بابتسامه رقيقه :
_انااا و اخدت منها الرد بعد 3 شهور . سأل صحفى اخر :
_هل كان فى علاقه تجمعك بالمجنى عليها ؟ اجاب موضحا :
_كانت مديره مكتبى لاربع سنين و اكيد كان فى تقارب بحكم اننا كنا بنقضى وقت كبير جدا مع بعض، بس مكانش فى ارتباط عاطفى لو ده سؤالك .
سألت صحفيه اخري :
_ايه سبب جوازكم السريع و طلاقكم المفاجئ و عودتكم الاسرع كمان ؟ التفت فارس ناظرا لها ببسمه و كأنه يقول لها انتِ السبب و عاد ناظرا امامه و رد :
_سبب جوازنا السريع ان اهلها كانو هيجوزوها لواحد قريبهم فقررت الحق قبل ما تضيع منى ، و سبب الطلاق اني كنت بزعلها و مقدرتش استمر في اني اشوف دموعها كل يوم بسببي . قبل ان يكمل حديثه كانت القلوب و الفراشات تتطاير من اعين الحاضرين فاكمل دون انقطاع :
_و سبب رجوعنا الاسرع بسيط جدا .
ضحك و نظر لها بهيام و قّبل راحتها هاتفا بغزل :
_مقدرتش اعيش من غيرها . سأل صحفى اخر :
_وقت دــ,,ـــــادثه الاسانسير كان فى ارتباط و حاولتو تخفوه بمسحكم للفيديوهات ؟ اجاب موضحا :
_وقتها انا كنت بحبها بس مكانش فى بينا ارتباط لسه . وقفت صحفيه اخري متسائله :
_سؤالى موجه لمدام ياسمين ، ايه الفرق بين فارس الفهد رجل الاعمال و الراجل المشهور و الزوج ؟
ابتسمت ياسمين غامزه له بمرح و كأنها تقول له سأنتقم الآن و هتفت موضحه :
_يوووه فرق كبير خالص، يعنى ببساطه ارجعو للجزء الاول من المؤتمر و هو ده فارس الفهد رجل الاعمال، و النص التانى من المؤتمر ده فارس الفهد البنى ادم العادى اللى زينا كلنا ،بس فى بقى فارس الزوج و الاخ، فارس فى اطار العيله ده حد ثالث خالص . سأل صحفى بحيره :
_نفهم من كلامك انه له 3 شخصيات مختلفه ؟
اجابت بمزاح :
_اه و عكس بعض ،تقريبا عنده شيزوفرينيا . ضحك الجميع و اضافت احدى الصحفيات:
_ادينا وصف من كلمه واحده لكل شخصيه من شخصياته . حركت سبابتها اعلي ذقنها بتفكير و هتفت بحيره :
_امممم …فارس رجل الاعمال (صارم) ،و فارس خارج الشغل ( هادى) و فارس الزوج…. صمتت لحظات و نظرت له بخجل فحفزها قائلا :
_قولى . قال ببسمه عابثه :
_عايزه اجّمل الكلمه بس مش عارفه .
هتف بحب :
_خلاص قوليها زى ما هى و الرقابه تبقى تتصرف بقى . ضحك الجميع على مزاحه الدائم فردت :
_فارس الزوج فى كلمه واحده ( هلس) . نظر لها فارس بتفاجئ و الابتسامه لا تفارق ثغره ليردد بقهقه :
_هلس؟ انا هلس؟ اجابته ضاحكه :
_جدا . رد مبتسما باعتراض :
_كده هتخليهم ياخدو فكره عنى غلط خالص . قالت بسخريه :
_خليهم يشوفوك و انت بتلعب الفيديو جيم و بتزعل لما تخسر .
رد بمرح :
_لما اختى تكسبنى فى الملاكمه و انا فى الحقيقه واخد فيها بطولات يبقى من حقى ازعل . انتهى المؤتمر و نظر له مازن باعجاب شديد مصفقا بيديه :
_انت king، الاسهم كانت عماله تنط طول ما انت بتتكلم… دماغك دى داهيه .
اعقب فارس و هو يقلد هنيدى :
_متبجاش تتكلم يا ولد .
~~~~~~~~~~~~~~~~~
اقترب زفاف ساجد و شيرين و اجتمعت الفتيات قبلها بيومين و بالتحديد ليله الحناء و قد اتفقن على ارتداء الازياء التنكريه و الرقص و اللهو كنوع من انواع اظهار الفرحه . فاجتمعت فتيات عائله غزال و بالاضافه لفتيات عائله الفهد و بالطبع قامت ياسمين بدعوه فريده و عاليا للحضور . ارتدت الفتيات الازياء التنكريه و بدءن بالرقص و الغناء و كانت ياسمين ترسل لفارس صورها كلما ارتدت زى من الازياء فيبدى اعجابه الشديد .
اثناء رقصها شعرت ياسمين بدوار و عدم اتزان فترنحت قليلا و اغشى عليها واقعه على الارض فهرع اليها الفتيات ليقمن بحملها و افاقتها . حاولت نرمين طلب المساعده و لكن اوقفتها دينا فهى طبيبه و نزلت لسيارتها لتحضر منها حقيبتها الطبيه و طبقت الكشف الطبي عليها . هتفت دينا بفضول :
_ضغطك واطى شويه ، انتى ماكلتيش و لا ايه ؟ اجابت بوهن :
_من زحمه الحنه نسيت اكل .
ردت بتوبيخ :
_و ده ينفع برده ! طيب كلى حاجه عشان الضغط يتظبط شويه انا مش عايزه اديكى دوا للضغط عشان مياذكيش بعدين . قالت بتوسل :
_طيب بالله عليكي يا طنط متقوليش حاجه لفارس احسن هيقلق ،و نبهى عليهم بره محدش يجيب سيره . اومأت مبتسمه و ربتت على وجنتها بحب هاتفه :
_حاضر يا حبيبتى . فتعود الاجواء للرقص و الغناء من جديد
~~~~~~~~~
اقيم حفل زفافهما باحدى قاعات الافراح الضخمه فحضره نخبه المجتمع و الكل يرتدى ارقى الملابس ولم يتوقف ساجد و شيرين عن الرقص طوال الوقت .
انتهز فارس الفرصه ليتمتع مع زوجته باجواء الزفاف التى افتقدها فى حفلهما فعلى الرغم من فرحته التى كانت لا توصف الا ان ياسمين كانت حزينه و مقهوره آن ذاك . امسكها من يدها و رقص بها و هو يحتضنها بحب و همس لها باذنها :
_كان نفسى فرحنا يبقى كده . ابتسمت ياسمين و هى تضع اناملها الرقيقه على لحيته هاتفه بحب :
_انا كل ايامي معاك كانها فرح .
قبلها امام جموع الحاضرين غير عابئ باحد ففرحته لا توصف بزوجته و حبيبته فوجد ساجد يقترب منه متحدثا بسخريه :
_يا باشا انا العريس . رد بمزاح :
_و انا كمان عريس و هفضل عريس طول عمرى و اللى متغاظ لو يجرؤ يعمل زيي يتفضل . هتف ساجد بخضه :
_لا يا عم انا معنديش جرأتك .
فانتهى الحفل و ذهب كلٍ الى منزله .
~~~~~~~~~~~~
دخل ساجد ڤيلته حاملا عروسه بفرحه و صعد بها للطابق المخصص لحجرتيهما و انزلها و بدأ بتقبيلها فتخوفت و هرعت بفزع للمرحاض ليقول ساجد بلهفه :
_مالك؟ ايه البت المجنونه دى ؟ انا لسه عملت حاجه ! طرق عليها الباب بعد مرور ربع ساعه هاتفا :
_طيب ايه ؟ سألت برهبه :
_عايز ايه ؟ رد بمرح :
_فى دخله انهارده و لا افوت عليكى بكره ؟
ردت بخوف :
_انا خايفه . قال بخبث :
_متخافيش ، انا مش هعمل حاجه انتى مش عيزاها .
