الفصل السابع و الثلاثون و سوف احُبكِ حين تجفُ مياهُ البحرِ و تحترقُ الغابات .
نزار قباني .
~~~~~~~~~~~~~~ مكثت عاليا بالمصحه النفسيه التابعه لمشفى الفهد حتى تستكمل علاجها النفسى و حرص فارس على التواجد بقربها دائما حتى لا تشعر بالوحده و لكنها كلما ذهب لزيارتها تفتح معه موضوع الزواج . جلست باكيه تتذمر بحزن : انا عارفه انك بتقول عليا مجنونه و لما اخف هبطل اطلب اننا نتجوز .
رد بهدوء : انا مش هعرف يبقى فى حياتى اتنين ستات يا عاليا .
رمقته بسخريه معقبه : يا سلام و ده من امتى ؟ ما انت طول عمرك….
قاطعها بصرامه مستكملا : طول عمري بتاع ستات و ربنا تاب عليا يا ستى ، انتى تكرهى انى اكون كويس ؟ ردت بحب : لا مكرهش بس برده انا بطلب اننا نتجوز مش نتصاحب . زفر بضيق و قال بفروغ صبر : لما تخفى نتكلم مش يمكن انتى اللى تغيرى رايك بعدين . هتفت بتاكيد : انا متاكده انى مش هغيره لاني بحبك و بمــ,,ـــــوت فيك .
وجدته يقوس فمه فاضافت : طيب و لو رأيي متغيرش هتعملى اللى انا عيزاه ؟
رد بتهرب : اللى فيه الخير يقدمه ربنا . خرج ممتعضا و تحدث مع طبيبها قائلا : ايه فكرتك اني اهاودها ؟ ما كده ممكن تحس ان انا خدعتها و ضحكت عليها و حالتها تبقى أسوأ ؟ اجابه الاخر بتوضيح : هي عندها نزعه انتــ,,ـــــحاريه و في الوقت الحالي و لحد ما نقدر نقيم مستواها واصل لفين مش هنعرف نتصرف غير بالهدوء ده .
جعد جبينه و همم موافقا باستسلام و تحرك عائدا لمنزله و سكنه لزوجته و حبيبته .
~~~~~~~~~~~~~
انكب على الاوراق و هو يحاول إنهاء تلك للاعمال المتراكمه فجاء صوت هاتفه معلنا وقت مستقطع للاستراحه و فور إجابته استمع لصوت رفيقه هاتفا : ميزو بيه فينك يا راجل ؟ رد بوجوم : يا بني انت لسه عايش الله يخرب عقلك . هتف عادل بسماجه : و الله من يوم ما قفلت شقة المعادي و انا و الشله اتمرمطنا و مش لاقين متوه .
ضحك مازن بتشفي هاتفا : عشان تعرفو قيمتي يا كلاب . رد الاخير مؤيدا : طبعا يا بيه اومال ايه ؟ ما تيجي بقى نرجع امجاد زمان . تذكر فورا اخر مره و ما حدث و انذار ربه له بتلك الطريقه و ما خسره بسبب تلك النزوه فرفض معللا : انا مشغول لفوق راسي و الله يا عادل . حاول اقناعه بدهاء : يا بني ده احنا اليومين دول معانا شغل عالي اوي و شله بنات جديده انما ايه من اللي قلبك يحبها .
رفض مجددا باصرار موضحا : يا بني ابعد عني متبقاش شيطان انا مرتبط دلوقتي…. قاطعه بضحكه عاليه و ساخره هاتفا : سمعنا سمعنا و مصدقناش ، بقى في حد عاقل يناسب فارس الفهد و لا انتو فهود زي بعض يا عم تقدرو تناطحو بعض ؟ اجابه بمزاح : هو في كائن حي يقدر يناطح فارس الفهد يا عدوله . استنبط من حديثه سببا واهيا لرفضه فقال : آاااه قول كده ، هو الباشا عامل عليك حصار عشان أخته و لا ايه ؟ عموما انت صاحبي الانتيم و انا ميهونش عليا و ممكن اداري عليك .
جاءه اتصال اخر على قائمه الانتظار فنظر للشاشه فوجد اسمها و صورتها تظهر على جواله فابتسم و وضعه على اذنه معتذرا : طيب يا عادل هرد على الوييتنج و ابقى اكلمك . لم ينتظر سماع رأيه و قام بفتح المكالمه فورا مجيبا : ايه يا چنى عامله ايه ؟
اجابت بصوت رقيق : الحمد لله ، بس كنت عايزه منك خدمه . رد مشاكسا : طيب مفيش ازيك يا ميزو الاول ؟
خجلت و صمتت فاومأ مبتسما و كانها تراه : خير عايزه ايه ؟
قالت بتوتر : جالي مسدچ من الجامعه بدفع المصروفات و انت عارف ان فارس مش بيرد عليا و لا بيكلمني و…. قاطعها مؤكدا : تمام خلاص و لا يهمك انا هروح ادفعها . شعرت بالحرج فقالت برجاء : معلش بس كلمه انت هو بيحول لهم الفلوس على طول و انا متاكده انه نسي من المشاكل الكتير اللي حصلت ف… اكد برقه : خلاص يا چوچو بقولك انا هدفعهم
رفضت بخجل : و تدفعهم انت ليه فار…
