قاطعها مجددا بحده طفيفه : هو انا مش جوزك يا بنتي و انتي مسئوله مني و لا ايه حكايتك ؟ عللت رفضها قائله بتلعثم : بس احنا يعني مش متجوزين بجد و… رد معقبا : يعني ايه الكلام ده ؟ يعني لما نعيش مع بعض في بيت واحد هتخلي فارس هو اللي يصرف عليكي ؟
نفت بايجاز : لا .
رد مبتسما : طيب يبقى ايه الفرق بقى دلوقتي من بعدين ، انتي قدام ربنا و قدام الناس كلها مراتي و مسئوله مني و مفيش مشاكل و من انهارده كل حاجه تخصك تطلبيها مني و مصروفك كمان لحد ما اخلص توضيب الڤيلا و انتي تخلصي امتحانات و نعيش سوا . ترددت في سؤاله و لكن بالاخير اتخذت قرارها و قالت : هو انا ممكن اسالك سؤال . همم موافقا فسألته : احنا لما نعيش مع بعض بعد الفرح يعني هيبقى وضعنا ازاي ؟
تنهد و اطلق زفره طويله و استند برأسه على المقعد مجيبا اياها بجمود : عادي ، زيك زي بيري الفرق اننا هنكون لوحدنا و طبعا قدام الناس هنمثل اننا متجوزين . حركت رأسها بهدوء و انهت معه المكالمه : اوك يا مازن ، انا هبعتلك رقم الحساب بتاع الجامعه عشان تحول لهم المصاريف .
~~~~~~~~~~~~~~~~~~~
دلفت شيرين فجأه داخل مكتب ساجد بمقر عمله بالشركه العالميه لمفاجأته فاليوم يوم مولده لتجد هند مقتربه منه حد الالتصاق و هو يلهث بانفاسه من اغراءها له لينتبه الاخير الى دخولها فانتفض و هتف بارتباك واضح : شيري ! ايه المفاجأه الحلوه دي ؟ ده انتى بنت حلال والله كنا لسه فى سيرتك . سألته شيرين و هي تحاول اخفاء ضيقها : يا ترى جبتو سيرتي بالخير و لااا ؟
رد مبتسما : طبعا يا روحى بالخير .
استأذنت هند و خرجت بهدوء فاقترب ساجد من زوجته و حاوط خصرها هاتفا ببسمه منمقه : بس ايه المفاجأه الحلوه دى؟ هتفت معقبه باتساع فاهها : كل سنه و انت طيب يا حبيبى . رددتها و هى تمد يدها بعلبه بها هديه ففتحها ليجد بها ساعه يد بمنتهى الرقه و الذوق فقبلها من وجنتها و امسك راحتيها يقبل كل واحده على حدى قائلا بامتنان : ميرسى يا روحى و كل سنه و انتي معايا .
تصنعت الابتسام و مسحت بيدها على لحيته قائله برقه : متتأخرش بالليل عشان نحتفل سوا . أومأ لها فاستأذنت بلباقه : اسيبك عشان معطلكش عن شغلك . تركته و هو في حيره من امره هل رأته و ظنت به السوء ام لا…. فمسح عرقه من على جبينه و جلس شاردا صافنا بتبعيات ما حدث منذ لحظات .
~~~~~~~~~~~~~~~~~~ اجتمعت الفتايات بعد ان هاتفتهما شيرين بامر عاجل و قصت عليهما ما حدث بمكتب زوجها لتتسائل ياسمين بنفور : هى ليه معظم الرجاله معندهاش تحكم فى نفسها كده ؟
ردت شيرين بضيق : عينهم فارغه . نظرت نرمين لهما بسخريه و هتفت : ده اقل واجب من اللى انتى عملاه فيه .
تسائلت شيرين بتخوف : تفتكرى ساجد بيخونى ؟
ردت نرمين مؤكده : و الله لو بيعمل كده يبقى معاه حق . هدرت بها بغضب و ضيق : انتى معايا و لا معاه ؟
ردت توأمها : انا مع الحق . تذمرت هاتفه : لا انتي بقى بتخلصي حقك مني عشان دبستك في الخطوبه .
ردت بعدم اكتراث : و لا في دماغي اللي بتقوليه ده ، انتي اللي حكيتي عيشتكم مع بعض و اي راجل متجوز واحده شبهك يا هيخونها يا هيتجوز عليها . صرخت بحزن : اكيد مش انا السبب ، انتو ليه محمليني الذنب كله لوحدي ؟ ردت ياسمين بتفكير و تفسير : بصى انتى غلطانه لان ساجد مش كده و عمره ما كان شبه فارس ولا مازن و لو وصل لمرحله الخيانه فالاكيد انه بسببك انتى .
تذمرت هاتفه : برده انا السبب ؟
حاولت ياسمين شرح الامر لها بطريقه سلسه فقالت : غلطتك انك متكلمتيش معاه و فهمتيه مشكلتك و احتياجاتك . ردت مؤكده : قولتله بس هو مفهمنيش و انا اصلا مش فاهمه ايه هي احتياجاتنا مع بعض . تنهدت ياسمين و قالت بخفوت : دي مشكله كبيره و محتاجه اسمع منك تفاصيل بس للاسف الوقت ضيق و لازم نتصرف بسرعه . سألت شيرين باكيه : طيب اعمل انا ايه بقى دلوقتي ؟
ردت تخبرها بحذاقه : دى فرصتك ، انهارده عيد ميلاده و لو عملتى اى حاجه جديده و جو رومانسى كده مش هيستغرب و فكى شويه و البسي و ادلعي حتى لو بتمثيل لحد ما نحل الموضوع ده و بعدها يحلها ربنا . اعقبت عليها نرمين : و قبل ما يخونك .
هتفت بحرج : بس انا مش بحب الموضوع ده .
اخرجت ياسمين ضحكه عاليه ساخره و هتفت بتعجب : ازاى بس ؟ ده ده اااا .
هللت نرمين بسخريه : مالك يا سو بتقطعى ليه ؟
ردت بمزاح و انهارت ضاحكه : تخيلى حد يقولك مبحبش الشيكولاته هتردى تقولى ايه ؟
اعقبت شيرين بتقزز : محستش انه شيكولاته خالص . همست ياسمين باذنها متسائله بحيره : هو ساجد مش بيعرف يبسطك في العلاقه ؟
همست بدورها مجيبه : مرات قليله جدا اللى يعنى …. و بحس انه Home work لازم يتعمل و خلاص . تضايقت نرمين من همسهما و هدرت بضيق : على فكره انا فاهمه كلامكم فبلاش وشوشه و اتكلمو عدل .
هتفت ياسمين بمزاح : حاضر لما تكبرى هبقى اقولك بس انتى لسه شويه عليكى . نظرت لشيرين و قالت بحزم : ركزى معايا و انا هقولك تعملى ايه انهارده ؟ و لو على موضوع السكرتيره انا هعرفلك الليله وصلت لفين و ادعى ربنا انها تكون على قد اللى شوفتيه بس لانك من انهارده لازم تملى عين جوزك عشان ميبصش بره .
~~~~~~~~~~~ فى المساء عاد فارس من عمله فوجد زوجته نائمه فاقترب منها و همس باذنها بحب : هو الحمل جايلك بالنوم و لا ايه ؟
تثايبت و ردت بنعاس : ايوه بنام كتير جدا .
قال بغزل : شكلها بنوته ؟! سألته بتعجب : و عرفت منين ؟
هتف موضحا بابتسامه : اصل الحمل المره دى غير جاسر خالص ، شكلك اتغير و احلويتى قوى و مفيش غممان نفس و بتنامى كتير عكس جاسر فاكيد بنت . ضحكت مشاكسه و غمزت له فابتسم و قال : طيب الدكتوره دينا هي اللي قالت لي الكلام ده .
اقتربت منه و مسحت بيدها على لحيته برقه و سألت مستفسره : هتزعل لو بنت ؟
رد نافيا بحب و هو يحتويها بذراعيه : لو طلعت بنت اموره شبه مامتها كده اكيد مش هزعل بس اوعى تطلع شبهى . قالت بتدليل و غزل : هو انت وحش ؟ ده انت قمر . نظرت له برقه و غنچ و هتفت : فااارس .
غمز لها ببسمه عابثه و قال : عيونه .
قضمت اسفل شفتها بدلال و قالت : انا عايزه ايس كريم . سألها بدهشه و فضول : فى البرد ده ؟
اومأت مؤكده بصوت طفولى : نفسى فيه .
ابتسم و احتضنها بقوه و سألها : ده وحم ؟
اومأت راسها بالايجاب فضحك و قال بعدم تصديق : في وحم في الخامس برده ؟ زمت شفتيها بشكل مثير و قالت بتذمر : انت مالك بقيت عارف كل حاجه في مواضيع الحمل كده ليه ؟ قبلها من عنقها و همس بجانب أذنها بإقرار : بقرا و بتعلم عشان اشوف كل طلباتك يا سلطانه . تذمرت ضاربه الارض بقدميها بتوسل : عشان خاطري نفسي فيه .
اطلق زفره استسلام و وافق مجيبا : مع انى خايف عليكى احسن تتعبى بس طالما وحم…..
قاطعته بلهفه : هاتلى دلوقتى .
هتف بتعجب : دلوقتى ، الساعه 12 بعد نص الليل يا حبيبتى .
قبلته بدلال و قالت بصوت طفولى و هى تهز اكتافها : مليش دعوه عايزه ايس كريم . قبلها قبله رقيقه و وافق ببهجه : طالما السلطانه ياسمين امرت يبقى امرك يطاع يا سلطانه قلبى ، حالا و الايس كريم يكون عندك و انا بنفسى اللى هروح اشتريه . احتضنها بتملك و عشــ,,ـــــق و قبلها من رأسها و هتف بغزل : خطفتينى ، سرقتى قلبى منى .
اعقبت بحب متغزله : ما انت عايش بقلبى و انا عايشه بقلبك . لم يستطع ان يتمالك نفسه امام جمالها و براءتها فظل يقبلها حتى انقطعت انفاسهما و ابتعد لاهثا و بدأ بارتداء ملابسه و سألها : ها ، عايزه ايه نوع الايس كريم ؟ ابتلعت ريقها بنهم و تحدثت بلهفه : انا عايزه العلب الكبيره و هات كل النكهات اللى تلاقيها بس الاكيد شوكيلت و مانجه . اومأ موافقا و ابتسم لها ابتسامه عذبه و نزل الدرج ليحضر لها ما امرت به ليركب سيارته و يقوم هو بقيادتها و الذهاب لاقرب متجر و وقف لشراء طلبها .
تعجب البائع فهو يعرفه تمام المعرفه فتسائل بداخله اهذا الكيان يقف بمتجر للحلوى لشراء المثلجات ؟ انحنى البائع باحترام و اخبره : دى كل الاصناف اللى عندى يا باشا حضرتك تؤمرنى بحاجه تانيه ؟
رفض بجديه و شكره : لا شكرا كده كويس جدا . عاد فوجدها تنتظره بالردهه بلهفه و اشارت له بيدها متسرعه : هات بسرعه .
ضحك و قال : براحه بس ، تعالى اجيب كاسات .
دلفا للمطبخ فاخذت ملعقه و فتحت اول علبه و بدأت بالاكل منها مباشره بنهم فوبخها بخضه : مش كده على مهلك . تدللت عليه و حاولت اطعامه بيدها فاسقطت عمدا بعضا من المثلجات على وجنته و صدـ,,ـــره فتلطخ قميصه فلعقت شفتيها بعبث و تدللت قائله : اوبس ، اسفه مش قصدي اقلع القميص عشان متاخدش برد .
