الفصل الثالث
شعر بالرهبه و الذعر فور ان علم بوجود ذلك المخيف بالشركه بل و بالاحرى يتواجد الآن بمكتبها فسأل ياسين بعدم تصديق
– بتقولى ايه يعنى هو دلوقتى عند ياسمين؟ اجابته ساندى بتخوف
– ايوه، ربنا يستر ده كل فين و فين لما بييجى هنا هتف ياسين متذمرا
– و كل مره بييجى بتكون اخر الزياره مصيبه، فى اربع سنين شغل هنا فى الشركه جه كام مره؟ ردت موضحه
– مرات تتعد على صوابع الايد بس كل زياره اتقل من اللى قبلها
حاول ان يطمئن على ابنه عمه فهتف متسائلا
– بقولك ايه…. متعرفيش تروحى تتطمنى على ياسمين؟ رفضت هاتفه
– لا انا اخاف، روح انت كده كده البريك ميعاده جه ابتسم بسخريه و رد
– بريك ايه بقى؟ انتى مش شايفه الشركه كلها واقفه على رجل واحده ازاى؟
~~~~~~~~~~~~~~~ دلف فارس مكتب سامى الجبالى المدير التنفيذى للشركه بثقته المعروفه و حضوره القوى لريتعد كل من يمر بجانبه اشرف عليه بجسده الضئيل مقارنه بجسد فارس الرياضى و رحب به بموده
– منور يا باشا
نظر لها بامتعاض و ردد بايجاز
# اقعد اقعد، تقارير المبيعات الشهور اللى فاتت واقعه كده ليه؟ ابتلع لعابه برهبه و هتف
# السوق نايم يا فارس باشا و الله حنعمل ايه؟ اشتدت ملامحه حده و هو يهتف بضيق
# السوق لا نايم ولا حاجه ما المبيعات بتاعه منتجات الفهد زى ما هى اجابه سامى بسخافه
# ما هو منتجات الفهد مكتسحه السوق ما شاء الله مش مديه فرصه لباقى الشركات تبيع،يعنى الكلام ده مش علينا لوحدنا
صاح فارس
# انا كل ده ميشغلنيش، انا عايز اشوف شغل امال انا معينك هنا ليه؟ حاول سامى الرد عليه
# و الله بنعمل اللى ربنا يقدرنا عليه بس…. قاطعه فارس بحده
# المدير الناجح هو اللى يعرف يطوع السوق لكن المدير الفاشل اللى زى حلاتك هو اللى يخلى السوق يتحكم فيه ابتلع سامى بحرج و ردد
# متهزقنيش قدام الموظفين ده انا برده جوز اختك رمقه بنظرات شرسه و هتف بحده رهيبه
# و انت عشان اتجوزت اختى المفروض انى اسيبك تخرب الشركه يا بنى ادم انت
~~~~~~~~~~~~~~
دلف ياسين مكتب الشئون القانونيه حيث يتواجد كل من مصطفى و ياسمين و ردد باحترام
# ازيك يا استاذ مصطفى، انا بعد اذنك كنت عايز ياسمين شويه تنهد بحيره و هتف
# تعالى يا بنى ده احنا فى مصيبه هتف ياسين بقلق
# خير قلقتنى؟ قص عليه مصطفى ما حدث فهتفت ياسمين بحنق
# هو اصلا داخل و بيقول يا شر اشتر اجابها ياسين
# هو ده طبعه، طيب ورست على ايه؟
زفر مصطفى باستسلام و هتف
# شكلنا بنقضى اخر شهر لينا فى الشركه ابتسمت ياسمين بمشاكسه و هتفت
# الله يسامح يا اونكل ليه هو انا فاشله؟ اجابها باقرار
# لا يا بنتى و الله، انا بس حابب اكون واقعى، فارس باشا مش عبيط و لا اهبل ده حطك فى دماغه و اكيد حيضمن فشلك اكدت عليه ناقمه
# صدقنى يا اونكل و الله لولا ان حضرتك حتتظلم بسببى كنت حدفته بالفنجان ده فى وشه و مشيت بس انا مضطره اكمل فى الشغل عشان خاطر حضرتك ميبقاش جزائك بعد الخدمات اللى بتقدمهالنا انك تتاذى بسببى
زفر مستسلما
# ربنا يستر اكدت عليه داعمه
# حيستر ان شاء الله لانى حدى الشغل 150 فى الميه بس عشان خاطر حضرتك ابتسم لها بحبور و هتف
# ربنا يخليكى يا بنتى هتف ياسين بتمنى
# ان شاء الله تعدى و بعدين هو مش بييجى هنا حيتابعها ازاى؟ لو عن طريق الموظفين بتوع المجموعه هنا فكل الناس بتحبها الحمد لله ردد مصطفى بتضرع
# اللى فيه الخير يقدمه ربنا
♕♕♕♕♕♕♕♕♕♕♕♕
عاد كل من ياسمين و ياسين للمنزل و ذهب فارس لمنزل رفيقه الخاص بالسهرات ففتح له مازن باحتفال صاح مهللاً
# سمع هوووس، فارس باشا الفهد وصل يا بشررررى ضحك بشده و هتف بسخريه
# بقا ده شكل مهندس ده، ده شكل واحد عربجى صاح عادل بمرح
# يا باشا ساعه الحظ متتعوضتش فقام رفاقه بالتهليل و التصفيق و اطلاق الصفير و تشتغل الموسيقى لتقف الفتايات و تتمايع بالرقص و الغناء محاولات اظهار مفاتنهن لتلتهب الاجواء بالفحشاء و الرزيله
اقتربت تلك الفتاه الجديده من فارس و وضعت يدها على صدره و بدءت فى اثارته بحركاتها المثيره فنظر لها نظره جامده ارتعدت على اثرها و مسك رسغيها معا ليشلهم عن الحركه و ردد بصوت رخيم
# انتى مش قدى هتفت الفتاه بدلال
# طب جربنى
